ՀԵՌԱՎԱՐ ԴՊՐՈՑ

Հայկական կրթական միջավայրին նոր մարտահրավեր նետեց Արցախյան պատերազմը՝ կրթության տարրական հնարավորությունից զրկելով արցախցի հազարավոր երեխաների: EduArmenia-ի աշխատանքային թիմը որոշեց մոբիլիզացնել իր ռեսուրսները և հեռավար անվճար դպրոց կազմակերպել Հայաստանի տարբեր վայրերում ապաստան գտած արցախցի, ինչպես նաև Հայաստանի սահմանամերձ գյուղերի երեխաների համար: Հեռավար դպրոցը իր գործունեությունը սկսեց հոկտեմբերի 5-ին՝ կրթության հնարավորություն տալով շուրջ 80 երեխայի: Հեռավար դպրոցի գործունեությանը միացան ոչ միայն ՀՀ, այլ նաև ԱՄՆ-ի, Լիբանանի և Վրաստանի հայ համայնքի ուսուցիչները: